مصطفى هريدي: مش بمثل مع تامر حسني عشان مفيش مجاملات
كشف الفنان مصطفى هريدي سبب عدم تعاونه مع الفنان تامر حسني في أعماله الفنية، على الرغم من النجاح الكبير الذي حققه معه في بداية مشواره من خلال العمل معه في فيلم عمر وسلمى، مشيرًا إلى أن السبب ليس تقصيرًا منه.
وأضاف مصطفى هريدي في لقاء عبر قناة هي: ده أصعب سؤال اتسأل لي في حياتي ودايمًا بتسأل السؤال ده من الناس، ومش تقصير مني، لكن اسمي بيتحط في الترشيحات لما بيتعمل كاست، وفي ممثلين تانية ممكن تفوز بالدور وفي الأول والآخر نصيب.
وأكد مصطفى هريدي أن علاقته بتامر حسني جيدة، قائلًا: أنا وتامر حسني صحاب جدا ولكن كل واحد بيفكر في شغله واتعلمت من الزعيم عادل إمام أن الكاست مفهوش مجاملات، مش عشان أجامل حد أجيبه في دور مش دوره ولكن كل دور بينادي صاحبه.
من ناحية أخرى، تحدث عن اختيار تامر حسني له في أحد الإعلانات، قائلا: "تامر حسني اخترني بالتحديد لأني قدمت معاه نجاح قبل كدا، والناس تأثرت بالإعلان واتفاجئت من نجاحها وفي ناس قالولي أنهم عيطوا، والحتة اللي فيها مشاعر دي بتلمس قلبي مع الناس، وده فرحني جدا".
اقرأ أيضًا: روبرت دي نيرو يرزق بطفل في عامه الـ 79
