ياسمين عز للسيدات: «حماتك من حقها الممبار.. وما تنكديش على الراجل عشان كوارع»

وجهت الإعلامية ياسمين عز، عدد من النصائح للسيدات بمناسبة عيد الأضحي المبارك قائلة: "أرجوكي يا مدام بلاش السنه دي تعملي خناقة الجردل والحلة بتاعت كل سنة أمام الجزارين".

وتابعت ياسمين عز، خلال تقديم حلقة اليوم من برنامج" كلام الناس" المذاع على قناة "إم بي سي مصر": "طبعا السيدات هتعمل نفسها مش عارفه أنا بتكلم عن أي"، مشيرة: "دي الخناقة الشهيرة بتاعة أول يوم العيد يا مدام بينك وبين حماتك وإخوات جوزك البنات الغزلان".

وأضافت الإعلامية ياسمين عز: "في اليوم ده محدش ليه حق يمسك الجردل والحلة غير حماتك يا مدام وتاخد اللي نفسها فيه من كوارع وعرق الفلتو والممبار خلي حماتك تنبسط الأول".

وأوضحت ياسمين عز: "ليه نتخانق ونعكنن على الراجل في البيت علشان مختيش حتة من الممبار والكوارع وغيره، بلاش عكننه أول يوم العيد على الراجل يا مدام".

اقرأ..أيضا: خبير سكان: هناك أطفال قصر كانوا على مركب اليونان..والقانون يمنع ترحيل الطفل