وليد منصور يشيد بفيلم تاج: «تامر حسني عامل نقلة نوعية في السينما»
أشاد المنتج وليد منصور، بفيلم "تاج" والنجم تامر حسني، وذلك بعد مشاهدة الفيلم بالسينما، وحرص على تهنئة جميع صناع العمل، وذلك عبر حسابه الشخصي بموقع التواصل الاجتماعي فيس بوك
وكتب وليد منصور: "تامر حسني مش عامل فيلم، لا ده عامل نقلة نوعية في السينما العربية، أقسم بالله مش بجامل، كل اللي دخلوا الفيلم أكيد شافوا المجهود اللي عمله من تقديم شخصيتين عكس بعض تماماً وقصة حلوة فعلاً ممتعة وأن أسرة الفيلم كلهم حلوين أوي".
فيلم تاج عالمى
وأضاف: "مقدم جرافيكس عالمي لا يقل عن أي فيلم بنشوفه في السينما العالمية ومألف سيناريو وحوار خلى الناس في السينما تسقف أكتر من 4 مرات على كلامه و في توعيه كبيره جداً وخطيرة جداً ومهمه لأولادنا ومقدمها وسط الضحك بطريقه ذكيه جدا وكمان مألف sound track رهيب، أنا عن نفسي مش عارف إزاي شخص يعمل كل ده ويوصل به للنتيجة العالميه دي في الوقت القصير ده".
اقرأ أيضًا.. بعد عرضه.. تامر حسني يروج لفيلم تاج بهذه الطريقة «صور»
واختتم رسالته قائلا: "تامر حسني زي ما هو خارق في الفيلم، الحقيقة أنه كفنان شامل هو خارق برضو وعلى مدار رحلته كسر قواعد كتير ولسه عنده أكتر، مبروك تامر، مبروك أخويا حسام حسني منتج الفيلم والأستاذ أحمد بدوي والأستاذ احمد دسوقي والمخرجة الجبارة سارة وفيق".
