أحمد يونس يرد على شائعات وفاته: الله يهديكم
رد الإعلامي أحمد يونس على تداول شائعات تزعم وفاته خلال الساعات الماضية، وذلك بعد تعرضه لحادث نتج عنه قطع في أوتار قدمه، وخضوعه لعملية جراحية.
وعبر حسابه بموقع التواصل الاجتماعي فيسبوك كتب أحمد يونس: مش مصدق أن هوس الريتش يوصلنا للمرحلة دي؟ أنا والله مش فارق لي واللي مكتوب لي هشوفه والموت حق، بس لما أصحى ألاقي الناس عمالة تبعت لي، أنا مش بعرف أرد على التليفون طول الوقت وفي ناس هتاخد العنوان المزيف وتنقله.
وتابع أحمد يونس: للأسف في ناس بيبحثوا عن الأخبار على جوجل لما ينط ده في وشهم مش هيقروا اللي جوا لأن العنوان قايم بالواجب وللأسف مش أول مرة تتعمل، للعلم وبالعند فيكم أنا الحمد لله بتحسن وهيطلع لي رجل جديدة بس اصبروا شوية.. الله يهديكم بجد.. البركة في السند جروب عيلة أحمد يونس دايمًا قايمين بكل واجب والله.
وانهى أحمد يونس حديثه قائلًا: أحب أشكر الصحافة والمواقع المحترمة وأهل الميديا اللي سألوا وتحروا الدقة في نقل أي حاجة، هو الحقيقة أنا أقل من ينزل عني أخبار، والموضوع الحمد لله ربنا لطف فيه لطف عظيم، بس كتر ألف خيرهم.
اقرأ أيضًا: «يارب متورنيش فيها حاجة وحشه».. شقيقة رنا سماحة تتعرض لحادث سير
