ياسمين صبري ترد على اتهامها بتقليد جورجينا: يؤسفني إننا بنشوف الأجنبي قيمته أعلى

ردت الفنانة ياسمين صبري، على اتهامات تقليدها العارضة الأرجنتينية جورجينا رودريجز، مؤكدة أنها لا تنزعج من ذلك طالما أنها لا تتعرض للإهانة، إلى جانب حديثها عن حبها للجزر.

وقالت ياسمين صبري، في لقاء مع برنامج ET بالعربي: أنا بحب الجزر وبحب البحر والمحيط الهندي لو أقدر ألف كل جزر العالم هلف، والدنيا فيها حاجات جميلة أوي وربنا جميل أوي، وبجب أتمرن واليوجا جزء من الرياضة.

وعن اتهامها بتقليد جورجينا، قالت: في 2015 في بداية شهرتي شبهوني بـ كيم كارداشيان، لأن كيم كانت هي اللي في الصورة، دلوقتي هما نقلوا لا هي بتقلد چورچينا، أنا نفس الست بس هما غيروا أنا بقلد مين.

وأضافت ياسمين صبري: مش مشكلة اللي يقول يقول واللي يعمل يعمل المشكلة مش عندي، المشكلة في اللي بيعلق وبينتقد، وعلى الأقل مش بينتقد حاجة تهيني، يعني لما مبيكونش فيه حاجة تتقال هو ده اللي بيتقال، ويؤسفني أن إحنا البلاد العربية بنشوف الشيء الأجنبي قيمته أعلى ومش بنشوف قيمة نفسنا صح، وده موجود وأنا ضد وجهة النظر دي.

آخر أعمال ياسمين صبري

ويُشار إلى أن ياسمين صبري يعرض لها حاليًا فيلم البعبع، في دور العرض السينما، والذي تجرى أحداثه في إطار الأكشن وتشارك فيه مع أمير كرارة، باسم سمرة، محمد عبد الرحمن، محمد أنور، ورحاب الجمل ومحمد عبد العظيم وغيرهم من الفنانين.

نقيب الموسيقيين بتونس: اعتذار أحمد سعد للمرأة التونسية يدل على أخلاق الشعب المصري