إيمان العاصي: أفضل عقاب للمتحرش أن يتم اغتصابه!

كشفت الفنانة إيمان العاصي لأول مرة عن تعرضها للتحرش في طفولتها من رجل كبير في السن.

وقالت خلال لقائها مع برنامج "بلا تصنيف": "اتعرضت للتحرش من راجل كبير في السن، كان دايمًا بيجي لنا البيت بيصلح حاجات لأن ماما كانت بتجدد المطبخ وهو بالنسبة لي مش غريب كنت بثق فيه وكان ساكن قريب مننا فكنت دايما بشوفه لأنه كمان كان بيصلح الحاجات عند الجيران".

وأضافت إيمان العاصي: في مرة النور قطع وماما راحت تشوف النور وهو اتحرش بيا، وكان نفسي اللحظات دي تعدي بسرعة وماما تيجي وجالي احساس كأن جلدي بيقع، اسمه مجدي وعمري ما هنسى اسمه، وجوده ونفسه في البيت وأنا مستخبية في الأوضة سبب لي احساس بشع وجسمي وجعني.. عمري ما فهمت اللي اتعرضتله غير دلوقتي.. وقتها قعد على كرسي وشدني ليه وحاول يبوسني حسيت إن في حاجة غلط".

وأكدت إيمان العاصي أن العقاب الذي يستحقه المتحرش، أن يتم اغتصابه".

اقرأ أيضًا: مشاهدة مسلسل ليه لأ الجزء الثالث الحلقة الثامنة 8 بجودة عالية.. ياسين يترك منزل والده