«واخد المشروع كوبي بيست» علي الحجار يشن هجوما على مدحت صالح

علي الحجار يفتح النار من جديد على الفنان مدحت صالح، بعد أزمته الأخيرة معه حول مشروع "100 سنة غناء" الذي أخذه ونسبه لنفسه وحوله لاسم "الأساتذة"، الأمر الذي أغضبه بشدة.

علي الحجار يهاجم مدحت صالح

وأوضح علي الحجار أثناء مداخلة هاتفية له مع برنامج "الستات" للإعلامية سهير جودة ومفيدة شيحة، قائلا: "ده ناقل المشروع كوبي بيست، وأمر غير مقبول".

وأضاف الحجار: "أن مدحت صالح كان يخرج في البرامج التلفزيونية ويقول أن علي الحجار أستاذه وتعلم منه الكثير، وهو يعلم جيدا أن مشروع "100 سنة غنا" مشروع علي الحجار".

وعن رفض علي الحجار بالصلح بينه وبين مدحت صالح رد قائلا: "إحنا مش بنتخانق في الشارع، الموضوع والخلاف كبير جدا، انت عارف يعني إيه تبقى شغال سنين على رسالة دكتوراه مثلا ويجي حد يقدمها مكانك و ياخد الرسالة بتاعتك اللي انت تعبت فيها، هل ساعتها أنت هتقبل الصلح".

عدم رد مدحت صالح على تصريحات علي الحجار

وتعجب علي الحجار من عدم ظهور مدحت صالح ليخرج ويبرأ نفسه من المشروع قائلا: "أنا عاوزه يطلع يبرأ نفسه من أنه أخد مشروعي، هو ميتساويش بيا، هو كمان مستني أنا هكلمه، محدش يقارني بيه وده مش غرور".

واختتم الحجار : "أنه لديه تنوع في مسيرته الغنائية غير عادي، ولا يقبل أن يتم مقارنته بالفنان مدحت صالح، "هو كان بيقول عليا أستاذه مينفعش يتساوى بيا أبدا".

اقرأ أيضاً: المايسترو هشام مصطفى يتحدث عن حفل الأساتذة ومدحت صالح