عمرو مصطفى ورامي صبري ينهيان خلافهما على الهواء عبر «نجوم إف إم»
حل النحم عمرو مصطفى ضيفا على الإعلامية والمذيعة إنجي عبدالله في برنامجها "أجمد 7" الذي يعرض عبر محطة راديو "نجوم إف إم"، في تمام الساعة 7 مساء على الهواء مباشرة.
مواجهة رامي صبري وعمرو مصطفى ببرنامج "أجمد 7 الساعة 7"
وتفاجئ النجم عمرو مصطفى بإتصال هاتفي من المطرب رامي صبري، على الهواء مباشرة في برنامج "أجمد 7 الساعة 7"، ليواجهان الثنائي بعضهم لأول مرة بعد أزمتهم الأخيرة وتبادل التصريحات بشأن سرقة لحن أغنية "يمكن خير" للمطرب رامي صبري.
وقال المطرب رامي صبري خلال مكالمته الهاتفية ببرنامج أجمد 7، موجها حديثه للنجم عمرو مصطفى: "عشان ولادك وولادي أنا أسف لو خاني التعبير، بس الكلام اللي قولته عليا كان صعب والطريقة بتاعت الاختلاف غلط ومراتك تعرف مراتي وعيالك يعرفوا عيالي ودخلت بيتي المفروض يبقى نتكلم مع بعض على واتساب مش على التليفزيون".
وتابع النجم رامي صبري: "أنا زعلت من طريقتك ولما حد من زمايلي يقلل مني أكيد هضايق ومش بحب إني اطلع اتكلم عن حد مهم زيك والناس لازم تحبني وتقدرني ولازم قدام الوسط الفني كله حتى لو عندنا خلاف نبقى معلمين للجيل الجديد، والجمل متشابهة من أيام محمد عبد الوهاب وأنا أول واحد باركتلك على أغنية رقصة".
اقرأ أيضاً.. محمد أنور لـ «الطريق»: أمير كرارة أقنعني أني هبقى إبراهيم الأبيض في البعبع
وأردف رامي صبري فقال: "إنت تشرف أي حد وأنت ملحن عظيم كبير ونجم في المزيكا وكلنا فنانين في مصر بنفتخر أنك موجود في مصر، ومن زمان وأنا بدافع عنك وأقولهم ده أطيب واحد وأحسن واحد في العالم وفاهمين غلط ولغاية ما عملت الشكوى قولت أكيد عمرو مش هو اللي عامل كده، ولازم تعترف قدام الناس كلها أن رامي صبري اللي دايما بيسندك قدام العالم كله".
انهاء الخلاف بين عمرو مصطفى ورامي صبري
لينهي الفنان عمرو مصطفى الخلاف، قائلًا: "أنت أخويا ومفيش أي مشاكل بينا ومتخليش حد يفرح فينا واللجان هتتبسط فينا".
