الفن

ويجز يستعد لتحضير ألبوم جديد.. ويعلق: «هتزهقوا مني»

الأحد، 16 يوليو 2023 07:58 مـ بتوقيت القاهرة

كشف مطرب الراب ويجز عن تفاصيل أعماله القادمة التي يستعد لتحضيرها خلال الفترة الحالية، مشيرًا إلى أنه يعكف حاليًا لطرح ألبوم جديد خلال الفترة المقبلة.

قال ويجز خلال لقاءه في برنامج ET بالعربي: "في العادي لما حد بيقولي الأغنية حلوة بتبسط على الحاجة اللي اشتغلت عليها، ومفيش حد بيكون راضي عن شغله بنسبة 100% ممكن نقول 90% وفي نسبة 1-% بحتاج أزودها في كل حاجة جديدة بعملها".

ألبوم ويجز الجديد

أما عن تأخره في إصدار أغاني جديدة منذ آخر أغنياته عز العرب في كأس العالم، قال ويجز: "مشغول جدًا في البحر والأجازات، تلاقيني سحليه في موضوع الصحرا ده"، وعن تحضيره لألبوم جديد، قال: "هتزهقوا مني".

وأضاف ويجز: "بحس إني فخور بنفسي لما ألاقي حد تاني بيغني بحس إن المزيكا بقى ليها شكل جديد، وعلى طول ناس جديدة بتطلع تعمل مزيكتها وشكلها، وده بيخليني أسخن تاني وفيه ناس تانية شغاله بقى بقول لازم أرجع بقى".

أما عن جولته الغنائية في العالم، أكد ويجز: "بقينا في مستوى ينفع نعمل فيه كده، ناس كتير عايزانا نشتغل بره وحاسس إنها حاجة كويسة للعرب والمصريين اللي عايشين بره، أعتقد هتكون حلوة لينا احنا الاتنين، أنا هكتشف آفاق جديدة وهتحمس أكتر، لأن الناس اللي هناك بيبقوا مبسوطين".