والدة ميرنا هشام ترد على منتقدي ابنتها: «مبتفكرش في الانتحار»
هاجمت والدة الفنانة ميرنا هشام نجمة آرب أيدول منتقدي ابنتها عبر مواقع السوشيال ميديا، بعد الشائعات المنتشرة حول أنباء محاولتها للانتحار بسبب أزمات نفسية تمر بها.
والدة ميرنا هشام
ونشرت والدة ميرنا هشام بوست عبر حسابها على فيسبوك وكتبت قائلة: "والله يا جماعة ميرنا كويسة والحمد لله ولا يمكن تفكر مجرد التفكير في الانتحار، لأنها قريبة قوي من ربنا وقلبها أبيض".
وأضافت: "ولكن كل الناس الفترة الأخيرة بتمر بظروف والبيوت أسرار والموضوع أصلا ميستهلش كل ده، واللي بيشهر وبينقل كلام محصلش منه لله ربنا أقوى من الكل وحسبي الله ونعم الوكيل في كل ظالم".
أول رد من ميرنا هشام حول أنباء انتحارها
ظهرت ميرنا هشام نجمة آرب أيدول، لأول مرة لكي ترد على منتقديها بعد انتشار شائعات حول محاولتها للانتحار من خلال مقطع فيديو عبر حسابها الرسمي، وأكدت أنها بخير ولا تفكر في الانتحار وكفاية اشائعات.
وأكدت:" عايزة اطمنكو أنا كويسة، وإني منتحرتش وأي حد فعلا عارفني عمره في حياته ما هيتخيل إني أعمل حاجة زي كده، لكن كل الحكاية إني تعبانة شوية بس مش لدرجة إني انتحر خالص، أنا بقيت أحسن ولو أنا مختفية بقالي فترة، فأنا بس تعبانه نفسيا، وتعبي النفسي أثر عليا جسديا جدًا زي أي حد ممكن يحصل له حاجة زي كده".
واختتمت:" بطلب منكم تدعو لي أني أبقى كويسة وأنا كويسة، كلنا بلا استثناء بنمر بفترة مش كويسة، بس بنعدي وعادي، وأنا مريت بالفترة دي و هعدي و متعودة على كده، بس أنا معرفش الموضوع كبر كده ازاي، أنا آسفة لكل حد كلمني وأنا قافلة موبايلي، مش قادرة أرد على حد خالص فعلا، ادعوا لي أبقى كويسة بس، و أوعدكم هبقى كويسة وأنا بخير ومفيش حاجة من الكلام ده خالص".
اقرأ أيضاً:
