الفن

رامي جمال في حبر سري: «ميريام فارس عليها فلوس من سنة وقولت لمراتي غني بس مش هنتجوز»

السبت، 22 يوليو 2023 10:37 صـ بتوقيت القاهرة

كشف المطرب والملحن رامي جمال عن حقيقة خلافه مع المطربة ميريام فارس، كما تحدث عن معاناته مع مشكلة عدم الإنجاب وموقفه من غناء زوجته، وذلك من خلال لقاءه مع الإعلامية أسما إبراهيم في برنامج "حبر سري" على قناة "القاهرة والناس".

أبرز تصريحات رامي جمال خلال الحلقة

-مصر هي سبب نجاح ميريام فارس وصوتها لطيف لكن مش الرهيب.

- اسم مصر أكبر من ميريام فارس واللي بينسى اللي شافه من البلد مينفعش يغلط.

- ليا فلوس عند ميريام فارس بس هى مغنتش الأغنية ومرجعتهاش ليا والفلوس دي هدية ليها.

- عندي مشكلة في الإنجاب بس الحمد لله ربنا رضاني كتير.

- قولت لمراتي مش هشوفك قليلة الأصل لو سبتيني إحنا بنعيش مرة واحدة.

- قولت لزوجتي لو عايزة تكملي في الفن تمام بس مش هنتجوز.

- لازم أنا أكون الاهتمام الأكبر في حياة الست بتاعتي والفن بيسرق العمر.

- مقدرش أنافس عمرو دياب لإنه مش من جيلي ومحتاج مجهود كبير.

- الهضبة من ألطف الناس ومهم ليا إني أسمع أغنية بصوته.

- كنت شايف نفسي على عمرو دياب وكنت فاكر إنه مش عايزني ألحن.

- أحمد سعد من أنجح المطربين وأغانيه الأخيرة ليست الأقوى.

- أكتر فرقة غنائية بفكر أشتغل معاهم كايروكي.

- وفاة جدتي واستشهاد صديق عمري أصعب فترة في حياتي.

- محمد فؤاد عاطفي وبيتكلم براحته وهو رمز ومن رموزنا ولازم نحترمه.

- ما تقدمه السعودية للفن والفنانين يستحق الشكر.

- أنا وتامر عاشور صحاب عمر وقسمنا اللقمة سوا وعمري ما بغير منه.

- تامر عاشور حقق علم الغناء قبلي ودي حاجة ممتعة ليا.

تصريحات رامي جمال

وكان قد كشف الفنان رامي جمال في الجزء الأول من حلقته مع الإعلامية أسما إبراهيم، أنه أصيب بمرض البهاق بسبب الحزن، كما أكد أن طلاقه من زوجته لم يكن تريند وكان مجرد خلاف بينهما ولكنه تطور كثيرًا ولم أتخيل الحياة من دونها.