رانيا فريد شوقي عن والدها: «مش شايفة حد يجسد سيرته»
تحدثت الفنانة رانيا فريد شوقي عن والدها الراحل في ذكرى ميلاده التي توافق اليوم، مؤكده أنها لا ترى شخص مناسب لتجسيد شخصيته في عمل فني، كما أشارت أنها تحمد الله علي أنه ليس متواجد بيننا حتى لا يرى الحالة المتواجدة حاليًا.
قالت رانيا فريد شوقي في مداخلة هاتفية مع برنامج "الستات مايعرفوش يكذبوا": "ساعات بحمد ربنا إن بابا هو مش موجود دلوقتي، عشان ميشفش الحالة اللي موجودة، وهو مفهومة عن الفن كان مختلف وكان إنه لازم يخدم المجتمع ويقدم رسالة وأنا كنت بقول عليه دايمًا إنه مؤسسة".
رانيا فريد شوقي تتحدث عن والدها الراحل
وأضافت: "السينما أكبر من اللي بيحصل دلوقتي مش أكشن بس، السينما يعني فيلم كلمة شرف، جعلوني مجرمًا، بالوالدين احسانًا، وهو كان كاتب مسلسل روبابكيا بس ملحقش يعمله وقدمه الفنان فؤاد المهندس، وكان بيحضر لفيلم هو ومحمد هنيدي وكان دايما عنده أفكار وكان عنده فيلم لأحمد زكي".
وتابعت: "فريد شوقي قدم نجوم كتير بين الإنتاج والإخراج والتأليف، وهو على فراش الموت كان بيقول إن فيه أدوار لسه معملتهاش وكان حبه للفن ملوش حدود"، وعن تقديم شخصية والدها في عمل فني، قالت: "مش شايفة حد من الموجودين يقدر يجسد سيرة فريد شوقي، هو له كاريزما خاصة والهيكل الجسماني عنده مختلف وعشان كده لقوبه بملك الترسو".
