عيد عبد الملك لـ أحمد مرتضى منصور: «أنتم صورة وأبوك بيخوض في أعراض الناس»

فتح أحمد عيد عبد الملك نجم الزمالك السابق، النار على أحمد مرتضى منصور عضو مجلس الإدارة، بعد رده الأخير على أيمن يونس نجم الأبيض.

وشن أحمد مرتضى منصور هجومًا على أيمن يونس، بعد مطالبة الأخير أعضاء مجلس الإدارة بالاستقالة، حيث كتب: "أنا واخد بطولات أكتر منك 10 مرات".

اقرأ أيضًا: أيمن يونس يطالب مجلس الزمالك بالاستقالة.. وأحمد مرتضى يرد: «واخد بطولات أكتر منك»

ليرد أحمد عيد عبر حسابه على موقع التدوينات القصيرة "تويتر": "البطولات: وقف القيد، فشل في تجديد عقود نجوم الفريق، بيع نجوم الفريق، بيع أهم لاعب في مركزه، بدون نسبة إعادة بيع ورجوعه على المنافس".

وتابع: "10 سنين مخدتش دوري أبطال اللي كابتن أيمن معاه منه 3، وأبوك اللي بيخوض في أعراض الناس، واللاعيبة اللي في النادي".

وواصل: "فرع 6 أكتوبر اللي روحت اتصورت جنب الونش وجيت، النادي اللي بقى 100 ألف عضوية، ومحدش بيعرف يقعد فيه، ده حتى فشلت تظبط المنبه تصحي أخوك يدفع غرامة اتشيمبونج، وصحيته علشان يتكتك لبابا في الانتخابات".

واختتم: "هو أنت عمرك أخدت قرار أو أي حد معاك يقدر ياخد قرار، انتو صورة بس، ادخل بقي كدة على كلامك ده لكابتن أيمن اللي محدش ينفع يتقارن برباط جزمته، ودمه اللي كان بيسيل في الماتشات علشان يعمل تاريخ للنادي، وشوف رد فعل الناس، لو لقيت 10 معاك من الجمهور يبقى أنت الكسبان".