بالفيديو.. رامي جمال يطرح ”حكايتنا منهية” عبر يوتيوب
طرح المطرب رامي جمال أغنية جديدة وتحمل اسم "حكايتنا منهية"، وذلك عبر قناته الرسمية بموقع الفيديوهات "يوتيوب".
أغنية "حكايتنا منهية" من كلمات محمد أبو نعمة ومن ألحان رامي جمال وتوزيع موسيقي نابولسي.
وتقول كلمات الأغنية:
فاكر زمان انا قولت نتحمّل وأدينا بإيدينا روحنا لبُعدنا ورضينا بيه
جاي بعد إيه بتقولي تاني نعيد ماضينا
مابقاش خلاص احساس مابيننا نخاف عليه
أمانه روح وارتاح .. أنا بقيت مرتاح
ضاعوا خلاص أحلامنا .. أظن كفايه
كانوا يومين، أيام .. لو ده خير كان دام
دانا هاضيع قدام لو انت معايا
كده فراق خلصان .. ده ولا وعد اتصان
أنا صحيت والرؤيه بقت واضحة لي
أنا خلاص مش ليك .. لو أنا جيت هأذيك
مانا سنين ضحيت ومين ضحالي؟
أنا وانت خلاص حكايتنا منهية
واديني مشيت وقفلت ع الماضي
رجوعك فكره بالنسبالي ملغية
ومن غيرك بعيش عادي.
اقرأ أيضًا:تعرف على إيرادات فيلم ”البطة الصفرا” في أول أيام عرضه
آخر أغنيات رامي جمال
وكان اَخر أعمال رامي جمال، أغنية بعنوان "يالا بينا"، والتي طرحها عبر قناته الرسمية يوتيوب، وذلك تزامنا مع احتفاله بعيد ميلاده، وهى من تأليف أحمد عبدالنبي، ومن ألحان غريب، وتوزيع نابلس وميكس وماستر خالد سند.
