أحمد فؤاد سليم: «الذكاء الاصطناعي قضية يجب مناقشتها مثل ارتفاع نسب الطلاق»

أقيمت منذ قليل، ندوة تكريم الفنان أحمد فؤاد سليم، وذلك في دار الأوبرا المصرية، حيث تحدث خلال الندوة عن مشواره الفني على مدار سنوات طويلة، كاشفًا عن رأيه فيما وصل إليه الفن حاليًا في مصر.

وقال أحمد فؤاد سليم خلال ندوة تكريمه: "الحياة لعبة، والطفل الصغير بيكتشف الحياة من خلال اللعب، والمسرح والفن معادل للحياة، إديني مسرح أعملك مجتمع عظيم دي مقولة، إحنا المفروض بنطرح مشاكلنا سواء على المسرح أو التليفزيون عشان نناقشها".

تصريحات أحمد فؤاد سليم

وأضاف أحمد فؤاد سليم: "إحنا بنطهر طول الوقت يعني بنحل مشاكلنا والعقل الغريزي ده يخلي الإنسان ينقذ نفسه، لكن مع التطورات في الحياة دلوقتي هذا العقل الواعي مش مطلوب في الزمن ده، ولابد من السيطرة عليه".

وتابع: "الفن لعبة بناءة، أنا ليه بمثل دور في العمر ده؟، لإني عندي مساحة عايز أوريهالك يمكن أنت مش شايفها يمكن بنورلك الطريق، الفن مشاركة والإنسان قيمته من المشاركة، إحنا دلوقتي رايحين على الذكاء الاصطناعي ده والتليفونات فتت المجتمع دي قضايا محتاجين نناقشها زى قضية ارتفاع نسبة الطلاق".

اقرأ أيضًا: بعد 9 أيام عرض.. تعرف على الإيرادات الكاملة لفيلم ”مرعي البريمو”