أورتيجا عن تقديمه للمهرجانات: «إحنا صناع مزيكا»
كشف الفنان أورتيجا عن تلقيه هجومًا واسعًا في بداياته مع أوكا، من قبل النقاد والجمهور، الذين أكدوا أنهما أول من أدخل المهرجانات إلى مصر، مؤكدًا أنه يقدم رسالة من خلال أغانيه.
قال أورتيجا خلال لقائه مع الإعلامية شيرين سليمان في برنامج "سبوت لايت": "الناس دعت علينا، أورتيجا هو اللي شال دعوات الجمهور والانتقادات، كان بيتقالنا منكم لله علشان أنتم أول ناس كانت بتغنى المهرجانات الشعبية في مصر، ولكن دلوقت بقت منتشرة بصورة كبيرة في مصر".
أورتيجا: إحنا بنقدم رسالة في الأغاني
وتابع أورتيجا: "إحنا بنحب نقدم رسالة في أغانينا مش زي الناس اللي بتستهدف شهرة وفلوس، وأنا لسه زعلان من عمرو مصطفى بعد تصريحاته الأخيرة اتهامه لمطربي المهرجانات بسرقة الألحان".
وأضاف: "إحنا ناس فاهمين ودارسين وصناع مزيكا، إحنا ناس كبيرة في الوسط الفني بنعمل توزيع ولحن وكلمات وميكس وماستر، والأغاني بتحقق ملايين المشاهدات زي أغانيه، ولو حد سرق منك أغنية ارفع عليه قضية واتكلم عنه، لكن متقولش كل الناس نجحت بالسرقة، وهو نفسه بينحت ألحان وإحنا فاهمين".
اقرأ أيضًا: دراما رمضان 2024.. يوسف الشريف يبدأ تصوير «الراكون» في هذا الموعد
