مصطفى قمر عن أولاد حريم كريم: «الفكرة كانت صعبة وقالولي هتعرف تجيب علا غانم؟»
كشف الفنان مصطفى قمر عن كواليس تقديم الجزء الثاني من فيلم "حريم كريم"، مؤكدًا أن الفكرة في البداية كانت صعبة ولم يصدق أحد من الأبطال أنه سيتم تقديمها مرة أخرى.
وقال مصطفى قمر، خلال لقاءه مع الإعلامية سهير جودة، عبر "فيسبوك": "فكرة تقديم جزء تاني من حريم كريم ظهرت في البداية إن كان فيه اقتراح إننا نقدم نعمل جزء ثاني، وأغلب الناس كانوا مش مصدقين ولا مقتنعين من حوالي سنتين كدة، لحد ما كلمت أستاذة زينب المؤلفة قولتلها يلا نكتبه، قالولي هتعرف تجيب علا غانم دي عايشة في أمريكا، قولتلهم هيحصل خلصوا الورق وأنا هرتب الدنيا".
اقرأ أيضًا: جدول حفلات مهرجان القلعة في دورته الـ 31
مصطفى قمر يكشف كواليس الجزء الثاني من حريم كريم
وتابع: "وفعلًا قعدنا وكتبوا موضوع حلو جدًا ومبشر، والحقيقة إن زينب عاملة تشابك حلو قوي في الفيلم، زى لما يكون في 14 ممثل المفروض يطلعوا في ساعة ونص وكل واحد عايزة يظهر، الناس مش هتشوف مصطفى قمر لوحده".
واختتم مصطفى قمر حديثه، قائلًا: "الفكرة كانت صعبة في الأول لكن بعد كده السيناريو طلع عبقري، وكلمنا علا وداليا، اللي مكنتش مصدقة في الأول ومكنتش مقتنعة، وبتقولي معقول هيتعمل، وبسمة كمان بجانب الجيل الجديد، والفيلم فيه أربع أغاني من ألحاني، وفي أغنية دعائية تريند كدة تيك توك".
