وائل علاء يكشف كواليس النصب عليه من منتج.. فيديو
تحدث الفنان وائل علاء، عن كواليس بداياته الفنية، وكيف دعمه والده عندما اكتشف موهبته في التمثيل، كما تحدث عن تعرضه للنصب من أحد المنتجين.
وائل علاء يتحدث عن بدايته الفنية
قال وائل علاء، أثناء استضافته في برنامج من غير نفسنة، الذي يعرض عبر شاشة قناة هي، وتقدمه الفنانة انتصار وبدرية طلبة ونوليا: "والدي الله يرحمه كان بيحب الفن جدًا وكان مهندس ديكور لمسرحيات كتير جدًا للأستاذ جلال الشرقاوي، وأنا كنت بروح معاه التصوير وأنا صغير، وبدأت أشوف المسرح والناس والكواليس، وبدأت في ثانوية عامة كنت بقلد شرايط المسرحيات".
وائل علاء يكشف كواليس النصب عليه
واستكمل وائل علاء، حديثه وقال: "أكاد أزعم إني كنت شاطر في السكة دي واشتغلت فيها وظبطت الدنيا إنتاجيًا، ولكن الموقف اللي حصل في الفيلم بتاعي هو اللي خلاني أوقف، لأني اتنصب عليا من المنتج، بعد ما عملت كل حاجة وكسب يعني لو كان دافع جنيه كسبه خمسة، وأنا مستفدتش أي حاجة غير فنيًا إني عملت شغلي".
وتابع: "كله مستسهل الموضوع، وبيجيبوا الناس اللي أجرها أقل، ولكن لما حد بيكون عنده استعداد أنه يعمل فيلم حلو طبعًا بوافق وبموت نفسي علشان يخرج بالمستوى، وفكرة إني أعمل الحدوتة وأكون جوا المطبخ دي قصة كبيرة، واكتشفت بعد فترة كبيرة أن التمثيل أكثر متعة، علشان أقدر أركز، ووصلت لدرجة أني بكون بمثل مشهد وبهتم أن الناس تقول وأنا مش مهم، ولاقيت نفسي بنزل، طيب ليه ما أركز وخلاص".
اقرأ أيضًا..
«دور لم أقدمه من قبل».. باسم سمرة يكشف شخصيته في مسلسل «سفاح الجيزة»
