خالد محمود: كنت أمتلك قدرات روحانية
تصدر الفنان خالد محمود، تريند مؤشرات محرك البحث جوجل، خلال الساعات الماضية، وذلك عقب عرض حلقته ببرنامج "المنسي" الذي يعرض عبر قناة "هي".
وتحدث خالد عن جانب من حياته الشخصية، مؤكدا أنه كان يمتلك روحانيات وقدرات خاصة.
وقال خالد: «كنت أمتلك روحانيات قعدت معايا فترة طويلة وقعدت تكبر لحد ما خفت وافتكرت إني لو علمت الغيب كنت اخترت الواقع وهذه الروحانيات كانت خاصة بالناس اللي حواليا».
وأضاف خالد: «كان اللي بيقعد قدامي ما يعرفش يكذب عليا بسبب تلك الروحانيات وكانت بتظهر ليا الصور الحقيقية قدامي على طول، مثلا في البيت سرحان أبص ألاقي حد من أصدقائي جاب حاجة أشوف شكل الحاجة أتصل بيه يقولي عرفت منين أقوله مبروك».
واختتم خالد: «ولو كان بيقعد قدامي حد سرحان كنت بعرف هو بيفكر في إيه قبل ما يقول، لما زادت خوفت وصليت ودعيت تروح من عندي وقعدت أقول لكل أصحابي عليها لحد ما اختفت بالتدريج كده».
يذكر أن آخر أعمال الفنان خالد محمود، كان مسلسل «نقل عام» والذي عرض في عام 2022 وكان بطولة الفنان محمود حميدة.
