ريم طارق عن حسن شاكوش: «شخص كويس ومحترم واللي حصل كان سوء تفاهم»
أعلنت ريم طارق، طليقة مطرب المهرجانات حسن شاكوش، عن انتهاء الخلافات بينهما عقب حصولها على كافة حقوقها الشرعية، واصفة شاكوش بأنه شخص كويس ورجل محترم.
وقالت ريم طارق، خلال فيديو نشره حسن شاكوش عبر صفحته الشخصية عبر فيسبوك: "أنا أخدت حاجتي كلها وكل حقوقي الشرعية من حسن، والحمد لله طلع شخص كويس وراجل محترم وكل اللي حصل دا كان سوء تفاهم بسبب تدخل أكثر من طرف".
وتابعت طليقة حسن شاكوش: "أي حد سيرته جات في الموضوع سواء من أهلي أو أهله فحقكم على رأسي وكل اللي حصل دا كان سوء تفاهم".
اقرأ أيضًا: حسن شاكوش وريم طارق من الإهانة إلى الصلح.. القصة كاملة
ومن جانبه علق حسن شاكوش على الفيديو قائلا: "أنا اولا بشكرك يا ريم على كلمة الحق اللي قولتيها في حقي دلوقتي وذكرتي أنك مشوفتيش مني غير الخير.. وقابل اعتذارك على ماصدر منك وأنا مكنش ليا أي رد فعل قدام الناس ومش من تربيتي إني أشهر بـ بنات الناس حتي لو رد على كلام يجرحني أو إساءه ليا".
وتابع شاكوش: "مع أن ده كان مأثر عليا نفسيا وعلي أهلي وكل اللي حوليا وقابل اعتذارك، وعفا الله عما سلف والمسامح كريم واتمنالك كل خير في حياتك واشوفك دايما بخير".
