وائل علاء يفجر مفاجأة حول غيابه: «اتعرضت للابتزاز من منتج».. فيديو

فجر الفنان وائل علاء مفاجأة حول سبب غيابه عن الساحة الفنية، وهو تعرضه للابتزاز على يد أحد المنتجين، مشيرًا إلى أنهم استخدموا بطاقته الخاصة وقاموا بتزوير إيصال أمانه وبدأوا في مساومته وساعده محامي لا يستحق ممارسة هذه المهنة.

سبب غياب وائل علاء عن الأضواء

كشف الفنان وائل علاء خلال لقاءه في برنامج "صباح البلد" مع الإعلامية نهال سمير عن سبب ابتعاده عن الفن وهو الابتزاز، قائلًا: "أنا موجود بس في المسرح لكن مش موجود في التليفزيون والسينما بسبب تعرضي للابتزاز، فيه منتج عمل تزوير وحاجات كتير اتعملت أنا معرفش عنها أى حاجة، لكن الحمد لله ربنا كرمني وقدرت أثبت إن أنا تمام ودلوقتي باخد حقي بالقضاء والقانون، وهو كان منتج قدم عملين وبعدين اختفى".

تصريحات وائل علاء

وأضاف وائل علاء: "اللي عمل اللعبة دي مع المنتج، هو محامي ميستحقش ياخد كارنيه المحاماة لإنه معندوش ضمير، وعمل كده معايا ومع ممثلة تانية واستغلوا إن معاهم البطايق بتاعتنا عشان يعملوا بيها اللي هما عايزينه ويبتزونا".

وعن موقفه مما حدث، تابع: "أول ما اتنصب عليا عملت محضر بالواقعة والقانون الحمد لله جابلي حقي واتحكم عليه، بس هو هربان دلوقتي، وكان عشان يساومني جابلي محامي وزوروا الإيصال عشان يبقى في قضية منهم ضد قضية مني ويعرفوا يساوموني، والحمد لله من كرم ربنا إني عرفت كده من البداية والمحامي بتاعي عمل حاجة اسمها محاكمة استئنافية".

النصب على وائل علاء من منتج

واختتم وائل علاء حديثه، قائلًا: "لما اتنصب عليا، ساعتها قولت حسبي الله ونعم الوكيل بس بعدها سمعت خبر وفاته والراجل ده توفى بس في ناس تانية هتتحاسب والمحاميين اللي زوروا معاهم واستخدموا بطاقتي مش هسيبهم".

آخر أعمال وائل علاء

يشار إلى أن آخر أعمال الفنان وائل علاء، مسلسل "رشيد" مع الفنانة ريهام عبد الغفور، محمد ممدوح، حسن العدل، تامر نبيل، خالد كمال، حسن مالك، محسن منصور، أشرف عبد الغفور، نهلة سلامة، ومن إخراج مى ممدوح.

اقرأ أيضًا: سر فقدان محمد ممدوح الوزن بعد مسلسل رشيد