تامر حسني يدعم فنان بعد تعرضه لتعليق محبط: «أتمنى أقابلك»

قدم النجم تامر حسني الدعم للفنان رامي نادر، بعد تعرضه لتعليق مبحط حيث قال له أحد الأشخاص: "إزاي حضرتك كومبارس وبتدي ورش".

تامر حسني

وعلق تامر حسني على رد رامي نادر، عبر حسابه الشخصي بموقع التواصل الاجتماعي فيسبوك: "لفت نظري البوست ده، أستاذ رامي أنت فنان محترم وردك حقيقي راقي رغم تعرضك لكلام محبط، أنت مردتش الإساءة بالإساءة".

وأضاف: "ده ليه اعتبار كبير أوي، فوق ما تتصور عند ربنا قبل البشر وممكن تكون جواك زعلت بس اكيد التعليق اللي زعلك ده ممكن يكون سبب في حاجه تفرحك قريب وهتشوف كلامي وأنا شخصيا مكنتش عارف إنك بتمرن تمثيل وعرفت من البوست ده وهبعتلك شباب يتمرنوا عندك وأتمنى أقابلك واتعرف عليك ونفتح باب شغل مع بعض".

اقرأ أيضًا..

موعد طرح ألبوم تامر حسني الجديد 2023

واستكمل: "أتمنى من الشاب اللي كتبلك كده انه يراجع نفسه وميحاولش يحبط حد تاني لان الكلمه المحبطه فعلا ممكن تموّت بجد ويكون تأثيرها أكبر من السلاح، التعليق السلبي اللي أي حد بيكتبه بمنتهى البساطه وهو في بيته بيضحك !!!!، ممكن يكون سبب في قتل حد نفسياً أو يكون سبب في تدمير أسره أو سبب في جرح روح كانت فرحانه و متفائله و بسببك كل ده اتهد، ربنا يوفقك يا فنان يا محترم".