نشتغل وربنا يوفقنا.. السيسي: عمري ما قلت كلام معسول أو أحلام

أكّد الرئيس عبد الفتاح السيسي، أنّ الحكومة تقوم بتنفيذ مشروعات للتدريب والتأهيل في الأكاديمية العسكرية المصرية.

وأضاف الرئيس السيسي، خلال كلمته في جلسة "بناء الإنسان" ضمن فعاليات يوم تميز الجامعات المصرية: "بنحاول نحسن أكثر ونطور أكثر في ظل موارد أنها مش موجودة زي ما قال الدكتور رضا حجازي والدكتور أيمن عاشور.. لازم تختار كويس وتدرب كويس وتأهل كويس.. التأهيل والتدريب عملية لا تنتهي للقائم بأي وظيفة.. محتاج دائما برامج تدريب وتأهيل.. أنا بس حبيت أشير للنقطة دي عملنها مع وزارة النقل في السكة الحديد أو المترو.. وكمان وزير المالية البرنامج الفني من قبل الوزارة ولا نتدخل فيه.. أنا مش بعسكر.. مفيس الكلام ده.. اللى بيقول الكلام ده دائما هدفه التشويه ويسئ ويبث السموم في قلوب وعقول الناس ويحطم الأمل في بكرة من خلال شائعات وأكاذيب وإفك في ظل ظروفنا الحالية".

وأضاف الرئيس السيسي: "عمري ما قولت كلام معسول ولا أحلام.. ولا عمري ما قولت أنا هجيب معايا.. أنا قولت عمل وبس.. هنفضل نشتغل لغاية ما ربنا يوفقنا ويكرمنا".

اقرأ أيضًا: لماذا يتدرب المعلمون في الأكاديمية العسكرية؟.. السيسي يكشف السر