«مش بالكلام».. الرئيس السيسي: الدول تقوم بالتضحية والعمل

قال الرئيس عبد الفتاح السيسي إن الدولة تنهض بفضل جهود أبنائها المخلصين وتضحياتهم والعمل الدؤوب لمواجهة التحديات بإصرار وعزيمة.

وأضاف الرئيس السيسي خلال كلمته فى افتتاح مؤتمر "حكاية وطن بين الرؤية والإنجاز": النهارده هنحكى الحكاية بتاعت مصر من 2011 لحد النهارده.. لأن ده مهم أنكم تعرفوا.. هنقولكم من منظور الدولة.. من منظور يعني أيه دولة؟ وكانت بتقابل تحديات كبيرة كانت كفيلة زى ما انهت دول لغاية دول ما وقفتش على حالها، لغاية دلوقتي.. بكرر الكلام ده كتير فالناس بتقول بتكرر الكلام ده كتير ليه؟ .. للتذكرة.

تابع الرئيس: "علشان قدام ربنا أقوله قلت وكررت بدل المرة 100 مرة .. البلاد ما بتعشى بتنمو وتكبر كده؟.. ولكن بتكبر وتنمو بعمل وشقا وتضحية وإخلاص وأمانة مش بالكلام".

من ناحيته قال قال الدكتور مصطفى مدبولى رئيس مجلس الوزراء خلال كلمته بمؤتمر حكاية وطن: توسعنا في موضوع التحلية وزودنا 13 ضعفا، لأن عندنا رؤية واضحة، الكهرباء والطاقة: 1.8 تريليون جنيه هو إجمالي تكلفة تطوير قطاع الكهرباء وعلشان نبنى قدرات حقيقية لشبكة كهرباء تخدم لـ30 سنة قدام.

وأضاف رئيس مجلس الوزراء في كلمته بالمؤتمر، ما أردت قوله مش عاوزين الأزمة التي حدثت على مدار الشهرين اللى فاتوا ينسونا إحنا كنا فين وإحنا بنتكلم على بنية حقيقية بنتها دولة ونعمل على أهم شيء أن يكون عندنا مصادر متنوعة للطاقة وعندنا خطة واضحة لنصل إلى أن 42% من الطاقة اللى هنستخدمها في مصر تكون طاقة جديدة ومتجددة ودى خطط بنعمل عليها.