أحمد فهيم: «اشتغلت حلواني قبل الفن.. وخالد صالح قالي مفيش حاجة اسمها عايز أمثل»
كشف الفنان أحمد فهيم عن التحاقه بالعديد من المهن قبل أن يدخل إلى مجال التمثيل، مثل أنه عمل في محل لبيع الحلويات، إلى جانب حديثه عن نصيحه خاله الفنان الراحل خالد صالح له قبل دخوله مجال الفن.
قال أحمد فهيم خلال لقاءه في برنامج الستات مايعرفوش يكذبوا: "اشتغلت مندوب مبيعات وحلواني في محل صغير كان ملكي، وكمان اشتغلت في شركة بمدينة 6 أكتوبر، مكنتش بقعد، بس عمري ما اشتغلت حاجة وكنت ناوي أكمل فيها، لإن طول الوقت نفسي أمثل".
تصريحات أحمد فهيم
وأضاف أحمد فهيم: "كل المهن اللي اشتغلت فيها كان بس غرضي اكتسب خبرات مش أكتر، ومشيت على مبدأ حب ما تعمل حتى تعمل ما تحب"، أما عن نصيحة خالد صالح له، قال: "هو قالي مفيش حاجة اسمها عايز أمثل لازم تتعلم، وهو ده اللي عملته اتعلمت بشكل عملي بعد ما كنت بتعلم نظري بس".
وتابع فهيم، أنه قرر النزول إلى أماكن التصوير بصحبة خاله الفنان خالد صالح لمدة 15 سنة، وطوال هذه المدة حصل على أسلوب العمل في الكواليس، مضيفًا: "طول الوقت كان عندي كاميرا في دماغي بتصور كل حاجة بتحصل".
اقرأ أيضًا: 3 نجوم ينضمون لبطولة حكاية آخر نفس.. أحمد فهيم من بينهم
