أشرف زكي للفنانين: «اعملوا زى باسم يوسف والصهاينة بيعرفوا يوصلوا صوتهم كويس»

تحدث نقيب المهن التمثيلية الفنان أشرف زكي عن دور الفنانين في أحداث دولة فلسطين الحالية، إلى جانب حديثه عن ما تشهده غزة من قصف إسرائيلي مستمر، كان آخره قصف مستشفى المعمداني.

قال أشرف زكي في تصريحات تلفزيونية: "يمكن دي نهاية الكيان الصهيوني وأن الفلسطينيين يستردوا حقوقهم، إحنا القضية دي مفتوحة من سنوات، وفيه أغاني في أفلام يوسف شاهين زي حدوتة مصرية، وعندنا قصور في الأفلام اللي عن الملاحم".

أشرف زكي للفنانين: اعملوا زى باسم يوسف

وتابع أشرف زكي: "الصهاينة بيقدروا يوصلوا صوتهم كويس قوي، والفيديو اللي عمله اللاعب محمد صلاح إن يشوفه 70 أو 80 مليون ده كفاية جدًا، هو لاعب كرة عالمي، ودور الفنانين إنهم يعملوا حاجة، مش طالب منهم يروحوا يحاربوا، اعملوا زي باسم يوسف، مطلوب نتحرك شوية مش نكتفي بكلمتين بس على السوشيال ميديا، ونعمل لايكات لبعض".

اقرأ أيضًا: عمرو عبدالجليل وأشرف زكي أول حضور الوقفة الاحتجاجية للمهن التمثيلية تضامنًا مع فلسطين

واختتم أشرف زكي حديثه، قائلًا: "نعمل أغنية باللغات المختلفة، ولازم نتبرع بفلوس أو بدم ويكون عندنا انتفاضة ودعم طول الوقت، ونفسي من الأجيال الحالية أنها متكتفيش بوسائل التواصل الاجتماعي إحنا بندافع عن قضية ووطنـ ونبتدي نعمل أغاني، وفيه زملاء مش عارفين يعملوا إيه، خالد الصاوي قالي هعمل فيلمين صغيرين وهمنتجهم بنفسي".