رانيا فريد شوقي ترثي أختها بكلمات مؤثرة: «كأنك نايمة وبتحلمي حلم جميل»

الفنانة رانيا فريد شوقي عبرت عن حزنها الشديد بسبب رحيل أختها الكبيرة التي وصفتها بأنها جزء من أبيها وقلبها.

وقالت عبر حسابها الشخصي بموقع "إنستجرام"، اليوم: "للآسف بنعتاد الأحباب في حياتنا كأنهم خالدين في الدنيا زي ما نعتاد النعم كأنها مستمرة إلى الأبد وده من عيوب البشر أختي الحبيبة الغالية ناهد أنا بعتذر لك لأني أعتد عليك في حياتي يمكن خيالي كان أضعف من إني أتصور فراقك يمكن أخذتنا مشحانات الدنيا وربنا نور بصيرتنا ورجعنا لحضن بعض والحب اللي اتربينا عليه وحبنا لبابا كان دايما بيجمعنا يمكن لأني تنسيت إننا بنكبر كلنا يمكن لأني جيت الدنيا لقيتك أختي الكبيرة القوية العنيدة اللي ماتعرفش حاجة إسمها إستسلام وإرادتها من حديد".

وأضافت: "قوتك كانت بطمني عليكي أنا مش عارفه أنا بكتب إيه بس اللي حساه أكبر بكتير من أي كلام ما زلت مش مستوعبه ولما حد بيقول الله يرحمها بتخض في الفترة الأخيرة كنت بشوف فيكي بابا بكل حركاته وطريقة كلامه ونظراته وهزارك وقولت للأحفاد اللي ماشفوش جدهم ناهد بقت نسخة من جدكم لما تشفوها كأنكم شفتوه سبحان الله والغريب إني من الشخصيات اللي بتخاف تدخل علي حد متوفي لأنه بيبقي آخر انطباع بيفضل في الذاكرة عن الشخص لكن لما دخلت وشوفت وشك مبتسمه كأنك نايمة وبتحلمي حلم جميل".

وواصلت: "حسيت إنك شوفتي فريد إبنك بيستقبلك وخدك لحبايبك بابا وطنط هدي ومها أختنا ده تفسيري لإبتسامتك الهادية الجميلة الواضحة أوي اللي هونت علينا كلنا فراقك واللي مش هتفارقني اللي باقي من عمري كنتي راضية بكل أقدار الله ومسلمه أمرك لله إلى أن نلتقي يا أختي سلميلي علي بابا وقوليله الحياة من غيرك مش حياة ونفسي يجيلي في الحلم بقاله فترة غايب عني هتوحشيني أوي يا حته من أبويا ومن قلبي".

اقرأ أيضا: روبي تحيي ثلاث حفلات بالسعودية