منى الشاذلي: عمري ما حلمت أكون مذيعة ودخلت الإعلام بالصدفة
حلت الإعلامية منى الشاذلي ضيفة على الإعلامي أنس بوخش، في برنامجه Ab talks، وكشفت خلال لقائها عن العديد من الأمور التي تخص حياتها الشخصية وعن علاقتها بوالدها، فضلا عن حديثها عن بداية دخولها مجال الإعلام.
أبرز تصريحاتها
تحدثت الإعلامية "منى"، قائلة: “أنا كنت طفلة وديعة جدًا، وربنا أنعم عليا بأسرة محبة وبأم عطوفة جدا، وأنا مش فاكرة مآسي مع إنه كان فيه، وبعد ما فكرت لقيت إني بمسح المآسي الموجودة في الحياة عشان مش بحب مخزوني الوجداني يكون مشوش، وأكيد فيه حاجات كبيرة سيئة حصلت بس معملتش تروما، مش عايزة افتكر شخص آذاني”.
بداية دخولها مجال الإعلام
تناولت "منى"، مسيرتها الإعلامية، معلقة: “أنا عمري ما حلمت أكون إعلامية، وأنا صغيرة كان نفسي أكون دكتورة، لأني كنت متفوقة في المدرسة وبحب الناس، مع إني من أولى ابتدائي كنت بمارس الإعلام في الإذاعة المدرسية والصحافة المدرسية والمسابقات، حتى في الجامعة كنت بقدم حفلات”.
أردفت: “لما دخلت الجامعة الأمريكية لقيت الأقرب ليا هو الإعلام، وكانت واحدة صاحبتي قالتلي أنا باخد تدريب في راديو وتليفزيون شبكة العرب، وقالتلي لازم تشتغلي مذيعة قدمي معانا، وروحت معاها، وكنت بجاوب على أسئلة الجغرافيا والأدب والتاريخ.. فالمدرب قالي إنتي معانا مذيعة في الـ art”.
قصة حب مني الشاذلي لزوجها
وعن علقتها بزوجها، قالت: "لما قررت أسافر إيطاليا علشان أشتغل قررت إني مقعش في الحب وأركز في شغلي ومستقبلي لكن وقعت في الحب وفي الأول لا كنت بطيقه ولا هو كان طايقني كنا بنضطر ننزل مع صحابنا علشان مش بنطيق بعض لحد ما بقينا عايزين نقعد لوحدنا وقد كان ومعظم العلاقات اللي بتبدأ بخناق بتعيش لمدة طويلة".
