الرئيس السيسي لـ«المصريين»: والله العظيم ملقيتش بلد أنا لقيت أي حاجة وقالولي خد دي

أكد الرئيس عبد الفتاح السيسي، أنه كان حريصا على التحدث مع المصريين منذ اليوم الأول من ترشحه عن حقيقة الوضع داخل البلاد، متابعا: "مش قولتلكم أبدا أنا لها وأخلصكم.. هاتوا كل كلامي من الأول أثناء الترشح.. هتلاقوا الكلام مش بتغير لأن التوصيف مبيتغريش.. لظروف حلها الوحيد إحنا.. وقولت قبل كده 100 مرة العمل والصبر.. عمري ما عاتبت حد وقولت يعني وعدتني.. وعدتنا نبقي مع بعض كلنا مش إحنا اللى عملنها.. الظروف دي غصب عنا".

وأضاف الرئيس السيسي، خلال كلمته في الندوة التثقيفية للقوات المسلحة بمناسبة يوم الشهيد: "طب الأيام اللي فاتت دي حد قال عندكم أقوى جيش.. ما تيلا بقي.. مش سمعتوا الكلام ده.. بكلم كل المصريين مش بكلم الجيش.. بكلم كل المصريين.. بكلم الناس.. مش الجيش ولا الشرطة .. بنتحمل ونساعد على قد ما نقدر الحفاظ على بلدنا.. نفس الكلام مع الاتجاه الجنوبي .. بنكون عامل استقرار وسلام ولا نشعل ابدا حرائق هنا ولا هنا.. ونفس الكلام في الاتجاه التاني".

وتابع الرئيس السيسي: "محدش بيقول دلوقتي ليه المساعدات بتدخل قطاع غزة من خلال إسقاط جوي مش من المعابر.. قولتلكم من الأول.. المعبر مش بيتقل.. علشان الشمال بعيد وفيه تحديات في دخول المساعدات من المعبر.. فيه معبر احنا مسئولين عنه.. فيه 10 – 12 مليار دولار خرجوا من البلد علشان المسئولين في الدولة خدوهم.. لا محصلشي وميحصلشي بفضل الله.. كل الجهد والإمكانات جوه البلد دي.. مش عاوز اسئ لحد قبل كده.. بعتبر دي من صفات طيبة.. والله العظيم بحلف بالله والله العظيم أنا ما لقيت بلد.. أنا لقيت أي حاجة.. وقالولي خد دي..انتوا فاكرين البلاد بتتقام. إحنا إمكانياتنا مش كتير أوي.. احنا قاعدين على 6 % وبقينا نتكلم في 10 – 12 %.. كانوا 6 %.. من أسوان إلى الإسكندرية.. لما البلد صعبة علينا في كل شيء".

وتحتفل القوات المسلحة المصرية يوم 9 مارس من كل عام بـ"يوم الشهيد"، وذلك تخليدا لأرواح الشهداء والتذكير بالتضحيات التي قاموا بها في سبيل الحفاظ على الوطن.

جاء اختيار يوم 9 مارس من كل عام مع ذكرى استشهاد الفريق أول عبد المنعم رياض 1969 والذي ضرب أروع مثالا على التواجد في خط المواجهة فكان دائما في الصفوف الأمامية تأكيدا على تلاحم القائد مع جنوده في الميدان.