لقاء الخميسي: رفضت فيلم ”إحكي يا شهرزاد” بسبب مشهد في السرير

حلت الفنانة لقاء الخميسي ضيفة على الإعلامية أميرة بدر في برنامجها الرمضاني "أسرار" المذاع عبر شاشة قناة "النهار"، وتحدثت خلال لقائها عن رفضها فيلم "إحكي يا شهرزاد، وفيلم "سكوت هنصور"، وذلك بسبب المشاهد الجريئة داخل الأعمال.

تصريحات لقاء الخميسي

وقالت لقاء الخميسي، خلال استضافتها مع الإعلامية أميرة بدر: "ممكن أكون أثرت على زوجي محمد منصف في حاجة ولكن مش المسيرة، ولكن وقت ما اتجوزني الجماهير هاجمته أنه ليه ممثلة زمان كانت وقتها فضيحة أنه يتجوز ممثلة، وأنا زوجي مأثرش فيا زي ما أنا أثرت فيه، ولادي اللي أثروا فيا جامد".

أما عن تفاصيل رفضها فيلم "إحكي يا شهرزاد"، ردت لقاء الخميسي وقالت: "اللي جوزي رفضه أنا كمان كنت هرفضه، وأنا مش واخدة على المشاهد المنفتحة الزيادة، وفيلم إحكي يا شهرزاد اتعرض عليا دور المحامية اللي كانت قصاد أستاذ محمود حميدة، وكان في مشهد على السرير واللي رشحني أستاذ وحيد حامد الله يرحمه، وقابلته وقولتله مش هقدر أعمله علشان مشهد على السرير".

وأردفت: "قالي إنتي بتهزري، إنتي بترفضي فيلم لـ وحيد حامد وأنا شايفك نجمة.. قولتله لأ أنا مش برفض فيلم لو حضرتك شيلت المشهد ده همثل، قالي مش أنتي اللي هتقولي لي أشيل إيه ومشيليش إيه".

وتابعت: "لو كنت قبلت ده كان هيحصل لجوزي مشاكل، خاصة أن جمهور الزمالك كان بيشتم أنه اتجوز ممثلة، في أعمال مهمة جدًا رفضتها وقعدت أعيط أسبوع في البيت بسبب مشاهد، ورفضت فيلم سكوت هنصور مع يوسف شاهين وكنت هموت،و رفضت الفيلم بسبب مشهد بوسة، وروبي هي اللي عملت الدور".

اقرأ أيضا: لقاء الخميسي تعود للغناء.. تعرف على التفاصيل