أحمد فهمي: طول عمري عيني مليانة وعمري ما كنت ببص لحد
قال أحمد فهمي، خلال حواره ببرنامج "حبر سري"، مع الإعلامية أسما إبراهيم، على قناة القاهرة والناس، أنه حينما كبر وبدأ يشتغل تحول لمدمن شراء جزم، متابعا: "بقيت مدمن جزم وممكن أشتري جزمة عشان عجبتني شكلها وممكن ملبسهاش ولكن طول عمري عيني مليانة وعمري ما كنت ببص لحد".
وأضاف فهمي، عن أن عنده عقدة من شراء الأحذية، قائلًا: "عندي عقدة من الأحذية، وأنا صغير كنا عيلة كبيرة ومرتب والدي كان قليل وكان بيجيب لي جزمة واحدة في السنة عيد ومدرسة وكل حاجة وكان ضد أني ألعب بيها كرة وكنت بلمعها علطول".
وتابع: "لو معايا ومش معايا أنا تمام واللي بأخذ بالي منه دلوقتي المستقبل عشان مراتي وعيالي وأسرتي وبعرف احوش، وبعرف أقسم الفلوس ما بين تحويش وصرف وأنا شخص كريم وبحب أستمتع بحياتي".
