دينا عن سبب فشل زيجاتها: ”كانوا بيكرهوا الرقص”
تحدثت الفنانة دينا خلال استضافتها في برنامج "ع المسرح" الذي تقدمه الإعلامية منى عبد الوهاب، المذاع عبر شاشة قناة "الحياة"، عن الكثير من تفاصيل حياتها الشخصية، وأبرزها عن نظرتها للحب وكيف كانت علاقتها مع زوجها الوحيد الذي رأته يصلح كأب.
تصريحات دينا في برنامج "ع المسرح"
وكشفت الفنانة دينا عن سبب طلاقها في تجاربها السابقة في الزواج، وقالت: "أنا كل جوازاتي كانوا بيكرهوا الرقص، ماعدا سامح الباجوري، وفي الآخر كنا بنتطلق بسبب الرقص ومبيكونش في أي أسباب تانية.. بيبقوا داخلين ومتخيلين إني هبطل الرقص وبيخيروني بينهم وبين الرقص فابختار الرقص بيلاقوا قدامهم وش خشب ودماغ خشب".
وتابعت دينا، حديثها عن زوجها المخرج سامح الباجوري لتوضح لما هو الوحيد الذي اختارته لتنجب منه ابنها وتفاصيل علاقتها به، قائلة: "سامح الباجوري كان قمر، ولو سألتي أي حد هيقولك وحبه ليا كان بيبان في عينه، وهو اللي خلفت منه عشان كنت مقتنعة بيه وكنت مقتنعة إنه أب كويس، إنتِ لما بتيجي تتجوزي عشان تخلفي بتبقي بتختاري لإبنك فالموضوع مختلف عن لما تكوني بتتجوزي عشان تتبسطي، أنا انهاردة لو اتجوزت هتجوز عشان محتاجة ونيس مش عشان محتاجة أخلف".
اقرأ أيضا: دينا: «رقصت تاني يوم وفاة أبويا»
