سمية الخشاب تهاجم رامز جلال: ”رفعت قضية ومش هسيب حقي”
كشفت الفنانة سمية الخشاب، تفاصيل حلقتها في برنامج المقالب "رامز جاب من الآخر" الذي يقدمه الفنان رامز جلال ويعرض خلال السباق الرمضاني الحالي 2024.
وتحدثت الفنانة سمية الخشاب، خلال مداخلة هاتفية ببرنامج "تفاعلكم" المذاع على قناة العربية، عن العديد من التصريحات المهمة حول ظهورها في برنامج "رامز جاب من الآخر"، وعن إصابتها أثناء الحلقة، وقالت: "هما قصوا كتير جدا ليا وأنا بقول رجلي بتوجعني وكتفي وجعني، ولحظة وقعتي كانت وقعة قوية بس هو قص كتير عشان ميبانش إن أنا اتصابت".
وتابعت: "أنا عندي تمزق في الأربطة في رجلي في كتفي ومش بعرف أحرك إيدي بارتياح، واللي يزعل إن ولا حد منهم كجهة إنتاجية اتصل بالناس وقال سلامتكم أو أسف.. هو احنا في غابة يا جماعة، مش مهم الناس يحصلها إيه المهم أطلع أنور وأعمل مشاهدات عالية؟ المهم مصلحتي والباقي يتحرق".
وأردفت سمية: "اللي بيحصل دة دة مهزلة لا يمكن السكوت عليها، الناس تتؤذي في صحتها.. ما أنا عملتها معاه 4 سنين قبل كدة بس كنت عارفة إيه اللي بيحص، ولكن المرة دي متقالش، عشان في تعمد للأذية يبقى إنت كدة متعمد تؤذي الناس، دي جريمة يعاقب عليها القانون.. قالي إنه برنامج عادي فورمات".
سمية الخشاب تعلن مقاضاة رامز جلال
وأكدت سمية الخشاب على إنها قامت بمقاضاة رامز جلال: "أنا رفعت قضية فعلا ومن تاني يوم وأنا عاملة إجراء وفي طلب للنائب العام إن ينظر للموضوع.. أنا متأكدة إن في ناس اتصابت ومش عايزين يقولوا عشان خايفين MBC تزعل منهم بس هي قناة محترمة وهي بتعرض البرنامج ومش الجهة المنتجة له. انا يعني صحتي دي محدش هيزعل عليها؟ كله إلا الأذية".
اقرأ أيضا: أول تعليق رسمي من سمية الخشاب على طلاق أحمد سعد وزوجته.. ماذا قالت؟
