مصطفى شعبان: كل أعمالي كانت الأعلى مشاهدة.. ومسلسل المعلم هو الأعلى مشاهدة

قال مصطفى شعبان" خلال حواره لبرنامج "حبر سري" المُذاع على قناة "القاهرة والناس": "الحاجة الناجحة واضحة واللي بتحاول تنجح واضحة"، مضيفًا "الشمس مش محتاجة حد يشاور عليها يقول إنها شمس النجاح بيبان".

وتابع: "أتمنى كل الناس تنجح، ومسلسل المعلم هو الأعلى مشاهدة بكلام الشركة المنتجة".

وعن المقارنة قال مصطفى شعبان: "دول زمايلي بلاش رقم 1 و2، كل أعمالي كانت الأعلى مشاهدة مثل أيوب والزوجة الرابعة وأبو البنات والمعلم حاليًا بشهادة الشركة والإعلانات والشارع رقم واحد".

وأكمل: "لما تلاقي الشارع حافظ اسم الشخصيات يبقى العمل ده ناجح على طول، وكدة نكون واصلين للناس، لا أقيس النجاح بالسوشيال ميديا لازم أقيسه من الناس في الشارع".