ياسر جلال لميار الببلاوي: «حجابك لازم يكون ليه احترامه»
حل الفنان ياسر جلال ضيفا على برنامج "الراديو بيضحك" الذي تقدمه الإعلامية فاطمة مصطفى، على محطة راديو "9090"، وعلق خلال لقائه على تصريحات الفنانة ميار الببلاوي، بشأن مكالمتها له لطلب دور بأحد أعمال الفنية.
تصريحات ياسر جلال
وأعرب الفنان ياسر جلال، قائلا: "أنا من ساعة ما اتخرجت من معهد التمثيل لحد دلوقتي ماشوفتش ميار الببلاوي، وكنا اشتغلنا مع بعض قبل كده وهي فعلا كلمتني وقالتلي إنها محتاجة شغل وقت ما كنت بصور الفتوة وفعلا مفيش دور جه يناسبها والنجم الحقيقي المحترم هو اللي ميدخلش في الكاست لأن ده دور ورؤية المخرج، أنا ممكن بس يستشيروني وأقول رأيي غير كدة لا".
واستكمل ياسر جلال حديثه، قائلا: "مش برشح سيدات زميلات لأي عمل بخاف أتفهم غلط، وبعدين عيب في حقي أقول للمخرج جيب كذا للعمل عيب كدة هو هيفهمني إزاي معرفش، وعمري ما عملتها، وبعدين عمري ما قولت على مدير أعمالي لبيس هو مدير أعمالي والموضوع ده مضايقني جدا".
ووجه رسالة لميار الببلاوي يعاتبها بها، قائلا: "ميصحش يا ميار مكنش العشم.. أنا مأذتكيش في شيء ولا عملتلك حاجة وده بكلامك أنا بحترمك ولازلت بحترمك، وأنا عمري ما قولت على مدير أعمالي اللبيس المفروض مكنتيش قولتي كده واحترمي حجابك.. أي الهدف إنك طلعتي قولتي الكلام ده عليا".
اقرأ أيضا: ياسر جلال: ”جودر” تجربة فريدة من نوعها وعالم جديد لم أعشه
