رانيا يوسف: «الراجل الشرقي بتوجعه كلمة أنت مقصر»
حلت الفنانة رانيا يوسف ضيفة على برنامج "سهرة dmc" وذلك بعد تألقها في مسلسل "بقينا اتنين" والذي تم عرضه في النصف الثاني من شهر رمضان 2024، للحديث عن كواليس العمل وتفاصيل شخصيتها بالعمل وعلاقة شخصية "ياسمين" التي قدمتها في المسلسل مع شخصيتها الحقيقية.
تصريحات رانيا يوسف
وأعربت الفنانة رانيا يوسف، قائلة: "لو مسلسل بقينا اتنين كان اتعرض بره رمضان كان هيتشاف أحسن خاصة أنه عمل اجتماعي والأعمال الاجتماعية بتنشاف بره رمضان أفضل ولكن كل حاجة ليها توقيت عرض".
وتابعت عن الشبه بينها وبين شخصية ياسمين في مسلسل بقينا اتنين: "ياسمين شايلة مسؤولة العيلة شبهيي وهو ده دور الست دايما، إحنا شايلين شيلة محترمة أما الراجل مش بيجيب غير فلوس بس وده ضغط عليها زيادة عن اللزوم وهو اللي بيخلق مشاكل كبيرة بين الزوج والزوجة وبيخلي حياتهم مش سعيدة".
وأكدت رانيا يوسف: "لازم شريك الحياة يغذي الست بالدلع والخروج والهدايا والحنية ومشكلة الرجل الشرقي أنه تقوليله إنك مقصر بتوجعه أوي، وياريته بيصلح لا ده بيعاند اأتر وبيقصر أكتر لحد ما الست تبقى شايلة وتقرر أنه لا خلاص مش هكمل ويوصل الموضوع للانفصال".
وأضافت: "غلطت إني اتجوزت بدري بس كان نفسي أبقى أم.. واصعب فترة في حياتي أما عيالي اتولدوا ومتفقة مع بناتي أنه مفيش جواز قبل سن 30 ولازم فترة الخطوبة تبقى طويلة، ولو بنتي مش سعيدة في حياتها هحاول أصلح ولو منفعش ممكن يتطلقوا عادي، وده مش تشجيع على خراب البيوت ولكن أحسن ما ولادهم يتأثروا من أنهم مع أب وأم مش سعداء".
