ميمي جمال تحسم الجدل بشأن زواجها مرة ثانية.. ماذا قالت؟

تحدثت الفنانة ميمي جمال عن العديد من أسرار وتفاصيل حياتها الشخصية، وعن رأيها في الزواج مرة ثانية بعد وفاة زوجها الفنان الراحل حسن مصطفى، وذلك خلال حوارها في برنامج "مع خيري"، الذي يقدمه الإعلامي خيري رمضان، عبر قناة "المحور" الفضائية.

أبرز تصريحات ميمي جمال

وقالت الفنانة ميمي جمال: "أنا مش صغيرة في السن عشان أفكر في الزواج، ومفيش حاجة اسمها ونس أنا عندي ولادي بالدنيا، وقعدت 6 سنين بعد وفاة حسن مصطفى ماكنتش قادرة أشتغل، وغير قادرة على الخروج من هذا الوضع، وأنا كنت قاعدة معاه في البيت السنة اللي بعد موته، كنت بقعد في مكان وأجي أبص ملاقيش جنبي حد، وكنت بقوله كل يوم لفترة تصبح على خير".

وتابعت: "حسيت بالفراغ وكان في حاجة معايا مكملاني، نص الهوا اللي في صدري راح، في حاجة راحت، وأنا بعد جوزي الله يرحمه الحج حسن مصطفى لما اتوفى، قعدت أكتر من 5 سنين مكنتش قادرة اشتغل، وعملت كذا عمرة فليا كذا صورة وأنا محجبة."

وأردفت قائلة: "اتشرف طبعا أن أنا محجبة بس الصور دي أيام ما كنت بعمل العمرة مع جوزي، وأنا ما اعتزلتش الفن، وبعد ما جوزت بناتي الحمد لله لقيت نفسي ما بفهمش أي حاجة في الحياة إلا التمثيل".

اقرأ أيضا: حقيقة خضوع ميمي جمال لعمليتين تجميل.. مفاجأة