عبير صبري: أنا مش واخدة حقي في الوسط الفني

حلت الفنانة عبير صبري ضيفة في برنامج "واحد من الناس" الذي يقدمه الإعلامي عمرو الليثي ويذاع عبر شاشة قناة "الحياة"، وتحدثت خلال لقاءها عن علاقتها بشقيقتها الإعلامية مروة صبري، والعديد من أسرار حياتها الشخصية.

أبرز تصريحات عبير صبري

وقالت عبير صبري: "بحس إن نجاح مروة عندي أهم من نجاحي، وهي أختي الصغيرة وبنتي، لأن أنا اللي ربتها من طفولتها طبعا ماما ربنا يديها الصحة وطولة العمر، بس أنا ربيت مروة من طفولتها، وعوضتني عن شعور الأمومة".

وتابعت: "ماما كل حاجة في حياتي، هي الخير والبركة والتضحيات، ومروة أكتر واحدة اتدلعت في البيت، وجرأتها في البرنامج بتاعها ممكن تخسرني أنا الناس، مثلا الاقي زميل مكلمني ويقولي ينفع أن مروة تقول كذا كذا، وأنا مش هقدر اعتذر لأني مليش دعوة، ولما كلمت مروة في الموضوع دا احتدت عليا".

وأردفت عبير صبري قائلة: "أكتر حاجة بكرهها في الوسط الفني الوسايط، في ظلم، وفي نفاق، وأنا واخدة حقي عند الجمهور وعند نفسي لأن أنا أثق في موهبتي جدا ولكن بالنسبة للمكان لا أنا مش في ترتيبي الصحيح".

اقرأ أيضا: عبير صبري تتعرض لوعكة صحية مفاجئة.. تفاصيل