ريهام سعيد تكشف السر وراء خلافها مع أيتن عامر.. ماذا قالت؟
تحدثت الفنانة ريهام سعيد عن تفاصيل خلافها مع النجمة أيتن عامر لأول مرة، وذلك خلال لقاءها في برنامج "كتاب الشهرة" الذي يقدمه الإعلامي علي ياسين عبر شاشة قناة "الجديد"، مؤكدة على أنها تكن لها كل الاحترام ولكن لا يوجد بينهما أي تواصل.
تصريحات ريهام سعد
وقالت الفنانة ريهام سعيد خلال حوارها ببرنامج "كتاب الشهرة" مع الإعلامي علي ياسين: "أيتن عامر طلعت في كذا برنامج اتكلمت عني بشكل مش لطيف، بس أنا مفيش بيني وبينها أي حاجة، وأنا بكن ليها كل احترام".
وتابعت: "بداية الخلاف أنها اتسألت سؤال في برنامج إيه رأيك في ريهام كممثلة؟ فقالت محتاجة تشتغل على نفسها شوية، أنا حسيت أن مينفعش زميل يقيم زميل، السؤال كان غلط، وأنا مقدرش أقيم أيتن عامر، إزاي أقيم زميل؟ مفيش حاجة اسمها كدة، في ناس بتحب فلان ومتحبش فلان، وناس تحب تمثيل حد وحد لا".
وأردفت: "أنا بحب في أيتن عامر المثابرة أن بالرغم من أن لو حصل مشكلة شخصية أو أي حاجة أنها تستثمر قوتها أنها تعلى، ومفيش تواصل بينا ومعرفش هي بتحبني ولا لأ، ولكن ممكن يكون بداية الزعل أنها أخدت مني موقف بسبب برنامج المقالب اللي قدمته سنة 2013 "من غير زعل" بس دا كان مقلب.
اقرأ أيضا: لهذا السبب.. ريهام سعيد تعلن انسحابها عن تقديم برنامج صبايا الشمس
