صابرين تكشف عن تفاصيل زواجها بعد قصة حب استمرت 32 عامًا.. فيديو

صرحت الفنانة صابرين عن تفاصيل زواجها من المنتج اللبناني عامر الصباح، مشيرة إلى أن قصة الحب التي جمعتهما بدأت من 32 عاما، أثناء تصويرها فيلم "أنا والعذاب وهواك".

أبرز تصريحات صابرين عن زواجها من عامر الصباح

وكشفت الفنانة صابرين عن تفاصيل زواجها من المنتج اللبناني عامر الصباح، خلال حوارها مع الإعلامية فاطمة مصطفى في برنامجها "الراديو بيضحك"، المذاع عبر محطة "راديو 9090"، وأعربت قائلة: "ناس قليلة جدًا اللي عرفوا إني اتطلقت وأنا مبحبش أتكلم عن حياتي الشخصية لأني عندي أولاد، وسنوات من العمر احترمها والعِشرة متهونش إلا على ولاد الحرام".

وتابعت: "وكل حد كان في حياتي مرحلة بشكره عليها، والنصيب ربنا كاتبه من قبل ما نتولد ومالناش دخل فيه، وبداية الحب كانت من 32 سنة، كنت بعمل فيلم أنا والعذاب وهواك، وكان إنتاج والد عامر، وإخراج أستاذ محمد سالمان، وكان صديق والده، وخلال تصوير المشاهد دخل عامر وقولتله أهلًا يا أستاذ منتج، أنا كنت بتاعة إفيه حاضر طول الوقت، وهما كانوا بيضحكوا على الكلام المصري جامد، وإحنا بنصور اتولدت قصة الحب دي".

وأردفت صابرين: "هو كان متزوج بنت عمه وكان على خلاف معاها في الفترة دي، وبدأت شرارة الحب تحصل، وأنا قولت ليه هدخل نفسي في المتاهة دي، ووالده توفى وهو سافر وبعدنا عن بعض، وهو انفصل عن زوجته الأولى واتجوز تاني، وأنا اتجوزت وانفصلت واتجوزت تاني وانفصلت".

وتحدثت صابرين على وقت لقاءها بزوجها عامر الصباح من جديد، فقالت: "سلم عليا وقالي أنتي بجد اتطلقتي.. أنا مسافر لندن وهرجع أتجوزك، اللي بعدنا الـ 32 سنة دول أنا لازم اتجوزك دلوقتي حالًا بلا مقدمات، قولتله أنا عندي 3 رجالة، قالي سيبي كل حاجة حلوة في وقتها، وفجأة حسيت أني بنت ولادي مش أمهم".

اقرأ أيضا: صابرين تعلن زواجها من المنتج اللبناني عامر الصباح