”اللي عملته مش رجولة واستاهل 5 أقلام”.. محمد رمضان يعتذر للشاب بعد صفعه

اعتذر الفنان محمد رمضان للشاب الذي قام بصفعه في الساحل الشمالي، وذلك بعدما تصدر التريند مؤخرا، وأثار ما فعله غضب فئة كبيرة من الجمهور.

اعتذار الفنان محمد رمضان للشاب الساحل

وشارك الفنان محمد رمضان مقطع فيديو عبر حسابه على موقع الفيسبوك، يعتذر من خلاله للشاب المصفوع، قائلا: "الجمهور العدل الأصيل ألف شكر على وقفتكم معايا ودفاعكم عني، بس أنا عامل الفيديو ده عشان اعترف بغلطي".

وتابع: "اعتذر لأهل الولد الصغير، إن إيدي اتمدت عليه وأنا عارف إنه عيل صغير، لأن هو لما غلط فيا في الأول قلعته الكاب وبصيت في وشه وقولتله اسمك إيه يا حبيبي، قالي اسمي كذا وسبته ومشيت".

وأردف: "بس غلط فيا تاني فقولتله هات التليفون فرفض فانا متمالكتش نفسي وضـربته قـلم بسيط والقـلم البسيط ده طيرله الكاب من على راسه والنضارة اللي كان لابسها، ولو هنعتبر الناموسة اللي وقفت على خدي قلم فانا استاهل من الناموسة دي خمسة عشان أنا مديت إيدي على عيل صغير ودي لا رحٖولة ولا بطولة".

وأضاف: "ولكن أنا متمالكتش نفسي ودي الغلطة اللي بعتذر عنها، ولما خدت تليفونه ومسحت الفيديو حد قالي اكسرله التليفون عشان ميعملش كدا تاني فقولتله لو هو غلط أبوه وأمه ذنبهم إيه يغرموا تمن التليفون تاني خاصة لما عرفت إنه من قرية تانية اسمها اللوتس وجاي ينفسح، قالولي اعمله محضر قولتلهم لا روحوه لأهله بعد إذنكم".

اقرأ أيضا: بشكل مفاجئ.. محمد رمضان يعلن غيابه عن دراما رمضان 2025