محمد علي رزق يكشف تفاصيل صادمة وراء وفاة تامر ضيائي.. ماذا قال؟
كشف النجم محمد علي رزق عن تفاصيل جديدة في واقعة وفاة الفنان تامر ضيائي، وذلك من خلال منشور له عبر حسابه الشخصي بموقع التواصل الاجتماعي الفيسبوك.
تفاصيل واقعة وفاة الفنان تامر ضيائي
وكتب الفنان محمد علي رزق في منشوره عبر موقع التواصل الاجتماعي الفيسبوك: "شهادة لوجه الله.. أنا أعرف تامر ضيائي من 2004 من أيام فرقة عين الشمس، ودخلنا مركز الإبداع سوا في 2006 وفضلنا صحاب لغاية ما ربنا استرد أمانته".
وتابع: "تامر ضيائي طول عمره إنسان محترم وعلى مدار 20 سنة عمري ما شوفت تامر متعصب أو شخص متجاوز، اللي حصل مع تامر يوم وفاته شيء مهين خلاه ينفجر".
وأردف: "تامر بقاله 17 سنة بيراعي زوجته في مرضها عمرنا ماسمعنا عنه إنه عمل مشكلة وكان صابر وراضي بقضاء ربنا، تامر لم يتجاوز الدور زي ما قالوا بشهادة سوزان زوجتة، إنهم كانوا واخدين رقم 421 ولما جيه الرقم إللي قبلهم بدأوا يقربوا من الباب ولما وصل كان رقمه جيه، الأمن منعه وقاله فيه ناس هتدخل الأول فتامر رفض إن حد يتجاوز دوره ومن هنا بدأت المشكلة".
واستكمل محمد علي رزق، وقال: "تامر إنفجر علشان مراته التعبانة إللي قاعدة مستنية دورها علشان تاخد الجلسة فيلاقي الأمن بياخد فلوس علشان يدخل ناس قبل دورها، تامر ماعملش حاجة غير إنه إتمسك بحقه ولما لاقى الراجل بيتعامل معاه بشكل مهين إنفجر، حسبي الله ونعم الوكيل، ربنا يرحمك يا تامر ويجعلك من أهل الجنة".
اقرأ أيضا: محمد علي رزق يكشف سر فقدانه 50 كيلو من وزنه
