حسام حبيب: ”شيرين عبد الوهاب دمها تقيل وهحبسها”
خرج المطرب حسام حبيب للرد على اتهامات طليقته المطربة شيرين عبد الوهاب، وذلك بعدما اتهمته بالاستيلاء على أموالها ومطالبتها بمبلغ 200 ألف دولار، مشيرا إلى أنه بريء من كل هذه التهم وأنها فعلت ذلك بسبب تجاهله لها وعدم الرد على اتصالاتها.
تعليق حسام حبيب على اتهامات شيرين عبد الوهاب
وأعرب المطرب حسام حبيب خلال تسجيل صوتي لبرنامج et بالعربي، قائلا: "أنا خجلان من اللي بيحصل ومش عارف أقول إيه للناس طبعا، الناس عندها حق تزهق والله ده ما أنا ولا دي شيرين التصرفات دي بريء منها تماما، أنا مستغرب اللي بيحصل أكتر منكم ممكن يكون دا حصل عشان خاطر هي بتحاول تتصل بيا بقالها يومين تلاتة وأنا رفضت أرد عليها تماما وقولت المرة دي مش هينفع أسامح زي كل مرة.
وتابع: "كل اتهامات شيرين كاذبة يحاسب عليها القانون، الورقة اللي شيرين بتقول بيها إنها حولت ليا مبلغ مالي، مكتوب فيه غرض التحويل لزوج، فأول حاجة كدا هو أنا زوجها، ثانيا حتى لو كنت الزوج وهي بتدلعني بالمبلغ دا إزاي تخرج تقول أني عايز أموتها، يا هي بتكدب لما قالت إننا اطلقنا يا هي بتكدب على البنك وقالت إني زوجها وحولتلي ياما بتدلعني بقى".
واختتم حسام حبيب رسالته، قائلا: "شيرين عبد الوهاب دمها بقى تقيل والمرة دي بجد هحبسها، وهي خرجت النهاردة وقالت الكلام دا لأنها عمالة تتصل بيا لحد إمبارح بليل عشان نرجع لبعض، وأنا مبردش عليها، عشان أنا رافض نرجع تاني بعد كل اللي حصل آخر مرة لما الأمر وصل للنيابة والحوار كبر، وفي الآخر عشان أنا زهقت عملتلها بلوك، وكل مرة سرقة وكلام أقل بكتير إني أرد عليه، أنا اللي بستنجد بالناس تلحقني، وعاوز أعرف اللي بيقول سرقت من البنك، أى شبح محدش قادر عليا يعني".
اقرأ أيضا: شيرين عبد الوهاب توجه رسالة مفاجأة لجمهورها.. ماذا قالت؟
