أحمد كامل: الوسط الفني 90% منه أشرار.. وبشتغل شغلانة ملعونة وبحاول أكون سوي
كشف الفنان أحمد كامل، عن الصعوبات في الوسط الفني وعن المطرب المفضل بالنسبة له، وسر رفضه الغناء مع مطربين المهرجانات.
وقال أحمد كامل، خلال لقاءه مع الإعلامي هشام السيوفي على رؤيا مصر، ان الصعوبات في الوسط الفني سببها إن نصه أو 90% منه أشرار إذا مكانش 100% ولكن الفنان حمادة هلال طيب جداً وبحبه بشكل غير طبيعي.
وتحدث عن المطرب المفضل بالنسبة له والأقرب لقلبه قائلا: طبعا محمد منير ومقدرش أحطه في مقارنة مع حد لانه لا يقارني وبحبه جداً ونفسي أغني معاه اغنية دويتو وبعدها ممكن مغنيش تاني وبالنسبالي هكون قفلت اللعبة.
وعن سر رفضه للغناء مع مطربين المهرجانات، قال: عشان حاسس إننا هنبقى عملنا مسخ مينفعش تعمل تورتة بالرنجة.
وكشف سر تصريحه "لو بقيت نقيب الموسيقيين هشطب نفسي من النقابة"، قائلاً: اولاً أنا مش هينفع أبقى نقيب الموسيقيين لأني هلعب مع صحابي هشطبهم وأرجعهم تاني، ووقت ما قولت التصريح ده كنت محاط بمجموعة من بالأشرار وكنت عايز اريح دماغي، لأني بشتغل شغلانة ملعونة وبحاول دايماً أكون سوي بأكتر الطرق، ومفيش صحاب في الشغلانة دي.
