بسمة وهبة توجّه رسالة حب لابنها في عيد ميلاده

وجهت الإعلامية بسمة وهبة، مقدمة برنامج "90 دقيقة" على قناة المحور، رسالة محبة ومؤثرة لابنها خلال احتفالها على الهواء بمناسبة مرور خمس سنوات على انضمامها للقناة.

وقالت الإعلامية: "أقول لابني كل سنة وهو طيب.. أنا مش موجودة معاه، لأنه برة مصر، وربنا يديله طول العمر، والسنة الجاية يخليني جدة إن شاء الله".

وخلال الحلقة، انتقلت وهبة إلى طاولة وضعت عليها تورتة احتفالية، وأثناء ترتيب الشموع قالت: "أنا النهاردة عندي كذا عيد.. عيد الحب، وعيد ميلاد ابني، وعيد مرور 5 سنين على وجودي بالقناة".

وأضافت بمزاح: "لا.. هو إيه 5 سنين وهامشي ولا إيه؟ لا.. ده عقد كاثوليكي!"، قبل أن تضيف رقم الصفر بجانب الرقم 5 في إشارة لأملها في استمرار مسيرتها لمدة أطول.