هل يغيب ”رضا” عن الرحلة القادمة؟.. أحمد عز يحسم موقفه من ”ولاد رزق 4”

كشف النجم أحمد عز موقفه من المشاركة في جزء جديد من فيلم ولاد رزق، بعد نجاح الـ 3 أجزاء السابقة، خاصة الجزء الثالث الذي حقق إيرادات قياسية وصلت إلى 260 مليون جنيه جعلته الأعلى إيراداً في تاريخ السينما المصرية.

وقال أحمد عز في تصريحاته مع الإعلامية إنجي علي عبر إذاعة نجوم إف إم : "كفايا ولاد رزق كده أوي.. ولكن هبقى أول الداعمين لأي جزء جديد هيتعمل".

وتابع: "مفيش عمل فني بينجح بواحد مهما كانت نجوميته .. وطول عمري بقول كده من وأنا بعمل أول بطولاتي زي سنة أولى نصب وملاكي إسكندرية إن العمل الفني جماعي .. وممكن يكون ربنا صارف لواحد قبول عن التاني وده بيبقى صرف رباني انتا مالكش دخل فيه".

وأعلن الفنان أحمد عز خلال نفس اللقاء عن موعد عرض فيلمه الجديد Seven Dogs، حيث قال: "عرض فيلم Seven Dogs في عيد الفطر.. وهي تجربة أنا مامرتش بيها في حياتي قبل كده".

أما عن كواليس تعاونه مع النجمة الإيطالية مونيكا بيلوتشي في الفيلم، أضاف: "استفدت من التجربة دي إن النجومية مش باللي بيجيب إيرادات.. ولكن النجومية التزام.. لأني كنت بشتغل مع كاست عالمي زي النجمة مونيكا بيلوتشي اللي كانت ملتزمة وبتبقى حاطة ميك أب وجاهزة في ميعادها".