أسما شريف منير تُفاجئ جمهورها بقرار جريء قبل رمضان
حرصت أسما شريف منير على دخول شهر رمضان بشكل مختلف هذا العام، حيث قررت أن تتخلى أن جميع التاتوهات التي كانت لديها، وقامت بتوثيق مرحلة إزالة التاتو من خلال مقطع فيديو عبر حسابها الرسمي على موقع تبادل الصور والفيديوهات إنستجرام.
وقالت أسما شريف منير في الفيديو: “أنا أخدت قرار كبير، وبدأت رحلة اني اشيل كل التاتوهات الـ 12 اللي عندي، والحقيقة إن القرار ده مش بس “تغيير شكل”، ده كان ترْك لله، اغلب الحاجة كنت متعلقة بيها زمان، بس دلوقتي قلبي بيقولّي سيبيها، وربنا هيعوضك باللي أهدى وأطمن، روحت واخدت الموضوع بجد، والأصعب إني قررت أعمل الجلسات من غير تخدير، مش هكدب الوجع كان حقيقي، بس كل مرة كنت بقول لنفسي، يا رب أنا بسيب ده ليك، فارزقني سكينة بدل اللي راح، واطمّن قلبي.”
واستكملت أسما شريف منير قائلة: “لسه قدامي 8 جلسات كمان، بس أنا ماشية خطوة خطوة، وبإيمان إن اللي بيتساب لله عمره ما يضيع، يمكن الألم لحظة، بس الإحساس إنك رجعت لربنا بصدق؟ ده راحة مالهاش بديل، وبقولها من قلبي لو في حاجة جواك حاسس إن ربنا بيناديك تسيبها متخافش، سيب وهتشوف العوض، مش شرط عوض بنفس الحاجة، بس عوض في القلب سكينة، ورضا.”
وكانت كشفت أسما شريف منير، عن اتخاذها قراراً جديدًا في حياتها، بعد ارتدائها الحجاب خلال الفترة الماضية، حيث أشارت أسما شريف منير إلى إقلاعها عن وضع أظافر الچل.
وكتبت أسما شريف منير عبر حسابها الرسمي على موقع تبادل الصور والفيديوهات إنستجرام : "بدأت أسمع الجملة اللي بتتقال كده بسهولة .. بس بتقعد جوا ده ممكن يمنع الوضوء والصلاة .. في الأول تجاهلت .. بعدين لقيت نفسي بسأل سؤال وجعني .. هو أنا برضي ربنا ولا برضي نفسي؟ .. فضلت فترة في شد وجذب.. نفسي بتقول دي حاجة بسيطة ما تكبريش الموضوع .. وقلبي بيقول بس لو في احتمال يبعدني عنه ليه أكمل؟".
