لما جبريل عن العداد الكودي: الهدف منه تقنين الأوضاع والتصالح

علقت الإعلامية لما جبريل، على جدل نظام الشرائح بالعداد الكودي، والذي سبب حالة من الارتباك عبى السوشيال ميديا.

وقال لما خلال فقرتها ببرنامج "الحكاية" التي تقدمها مع الإعلامي عمرو أديب عبر قناة "إم بي سي مصر": 
في مطالبات بالغاء نظام الشرائح عن العداد الكودي، واللي بيبدأ من أكتر من كده 2 جنيه و74 قرش، وده معناه ان الدعم اتشال عن العدادات الكودية، حالة من حالات الارتباك على السوشيال ميديا، بتتحاسب من أعلى استهلاك بأول كيلو وات بتستخدمه.

وتابعت لما جبريل: خاصة في ناس اشتكت ان استهلاكها مزادش، الحكومة بررت أن العداد الكودي قرار مؤقت للعقارات اللي مش مرخصة وقالوا انهم يروحوا يتصالحوا مع الجهات المسؤولة،  بيتم محاسبة المخالف من غير دعم،
اللي معاه رخصة بناء او تصالح بيروح يقنن اوضاعه وبيتحاسب بالشريحة العادية.

وتابعت لما جبريل: الهدف في النهاية زي ما وزارة الكهرباء قالت، إنها مسألة تقنين أوضاع، وكمان تم فتح التقديم اونلاين او التقديم الجماعي، عشان يسهل على الناس التصالح.