في أول ظهور بعد غيابها..حنان ماضي:”جوزي السبب” (فيديو)

وقالت ماضي، إن السبب الرئيسي في ابتعادها عن الغناء، كان انفصالها عن زوجها وتفرغها لابنتها "حبيبة".

وأضافت "ماضي"، خلال  برنامج "معكم":"  تفرغت لابنتي ومكنش معايا حد، ومكنتش أعرف أسيبها وأروح لأي مكان، ومكنتش أحب أحمل حد مسؤولية حاجة أنا مسؤولة عنها".

وتابعت: "كنت ببقى مرغمة إني أرفض أغاني عشان بنتي ومسبهاش، لكن فيه حجات كنت بوافق عليها زي التترات، كنت بنزل ساعتين تلاتة وأرجع، وكان قلبي بيتقطع في الوقت دا لأني كنت بسيب بنتي "حبيبة"  لوحدها في البيت وأنزل".

كما كشفت حنان ماضي عن كواليس دخولها مجال الإعلانات في سن مبكرة، قائلة: "دخلت مجال الإعلانات وكنت فاكرة أني بحقق دخل مادي، مكنتش أعرف إني بحفر تاريخ ليا، وأن الناس هتفضل فاكرها لحد دلوقتي".

وأضافت ، "دخولي لمجال الغناء جاء بالصدفة، غنيت أمام الموسيقار عمر خيرت والشاعر سيد حجاب، وأعجب بصوتي، وطلب مني أغني بصوتي مع الفنان علي الحجار، في مقدمة أغنية (بحلم وأفتح عنيا)، بعدها طلب مني المشاركة في الأغنية بالكامل وأصبحت أول دويتو ليا ونالت الأغنية استحسان الجمهور".