محكمة الأسرة اليوم 2020| سيدة في دعوى خلع: ”جوزي بيتحرش بابني”

"ابني بيهرب دايما من أبوه، وبيخاف يقعد معاه، أنا كنت عارفة إن جوزي شخص قاسي، بس عمري ماتخيلت إنه يتحرش بابنه ويفضحه بالصور العريانة"، هكذا وقفت زوجة أمام محكمة الأسرة بمصر الجديدة تطلب الخلع.

وقالت الزوجة أمام محكمة الأسرة بمصر الجديدة : "اتجوزت من ٦ سنين، جوزي شخص قاسي، وطبعه صعب بس استحملته، وخصوصا بعد ماربنا رزقني بمعتز، آية من الجمال، وطبعه هادي ".

اقرأ أيضًا: زواج عرفي.. تجديد حبس عامل لإجبار زوجته على الإجهاض ووفاتها بالنزهة

وتابعت الزوجة أمام محكمة الأسرة: "جوزي دايما عنده مشاكل فى الشغل تأخير وغياب، بسبب سهر كل يوم للفجر، وبيصحي العصر، بيطالبني أصرف ع البيت وأمد إيدي لأهلي والآخر محسوب عليا راجل" .

وأضافت الزوجة أمام محكمة الأسرة بمصر الجديدة: " مكنتش عارفة ابني ليه بيعمل كده، أول ما والده يجي من الشغل يخاف ويترعب ويجري يستخبي، فى الدولاب أو تحت السرير، بيترعش لدرجة كبيرة، حاولت أهديه واتكلم معاه، هو عنده ٥ سنين، ممكن يكون خايف من والده مثلا عشان بيضربه، بس ابني ببراءته حكالي اللى أبوه بيعمله فيه، ووصفلى كمان حاجات إستحالة طفل يعرف يكذب فى تفاصيلها ".

وواصلت الزوجة أمام محكمة الأسرة بمصر الجديدة: "اترعبت وسرقت التليفون بتاع جوزي وبدأت أفتش فيه، وانصدمت لما شوفت صوؤ لابني عريان وبمناظر مخلة، أخدت منها نسخة على تليفونى وأخدت ابني وهربت، وطلعت على قسم الشرطة حررت محضر، وطلبت الطلاق، واتصلت بأهله اشتكيته، حاول يتهرب وينكر فعلته، فمكنش قدامي غير محكمة الأسرة عشان أعرف أهرب منه وأحمي ابني الصغير".

واختتمت الزوجة أمام محكمة الأسرة بمصر الجديدة: "عمري ماتخيلت إن إخلاقه البشعة توصل لابنه، ولما صبرت السنين دي كلها كان عشان خاطر ابني، بس إن يوصل بيه الأمر لشذوذ ومع طفله، ويحفظه كلام بشع، نفسه الأمارة بالسوء عمرها ماهتتعدل".